تقييمات

مراجعة سماعة Astro A40

astro-a40-tr-headset

واحدة من أهم العناصر الأساسية لترقية تجربة الألعاب الحالية والإستمتاع عليها هو استخدام سماعات إحترافية تعطيك وضوح في الصوت وراحة في الإستخدام. وأعتقد الكل يتفق معي مع تجربة اللعب أونلاين، صار موضوع السماعات شي أساسي. كنت دايما أبحث عن سماعة احترافية تقدر تعطيني التجربة الممتازة، ووقع الإختيار على سماعة Astro A40 الإحترافية، وهذه مراجعة تجربتي معاها.

الراحة التامة في الإستخدام، والجودة العالية: 

لعل الشي اللي شد انتباهي بعد تجرتني مع السماعة، واللي استمرت ما يقارب أسبوع هي الراحة التامة أثناء إرتدائي لها. إطارات السماعة المصنوعة من الإسفنج مغطاة بمخمل، الشي اللي أبدا ما رح يخليك تحس بتعب أثناء إرتدائها لفترات طويلة بعكس الإطارات الالبلاستيكية. السماعة يجي معاها أمبلفاير أو جهاز المكسر، واللي أيضا يضمن لك إعدادات لصوت واضح ونقي جداً. أيضا المايك ذكي ومصصم بحيث أنه يلتقط صوتك ويخفف من الإزعاج اللي حولك، ويخلي صوتك نقي وواضح.

astro-a40-neon

توافق السماعة مع جميع الأجهزة، إمكانية تغيير شكلها بالإكسسورارت: 

واحدة من الإيجابيات اللي لازم أذكرها في هذه السماعة الإحترافية هي المرونة في توافقها مع جميع الأجهزة، بالإضافة الى مرونة تغيير شكلها للتناسب مع ذوقك وستايلك. السماعات يمكن توصلها مع أي كونسل بكل مرونة، بعكس بعض السماعات اللي تدعم كونسل واحد، الشيء اللي يخليك تشتري أكثر من سماعة إذا كان عندك أكثر من جهاز. أيضا السماعة كشكل يعتبر تصميمها شيء جدا راقي وممتاز، وبإمكانك شراء بعض الإكسسوارات للسماعة بحيث تقدر تغير من لونها بكل سهولة، الشي اللي يخليها دايما متجددة وتناسب ذوقك في كل الأوقات.

كثرة أسلاك التوصيل! 

لعل العائق اللي حد من كمال هذه السماعة بالنسبة لي هو أنه عليك توصيلها بأسلاك طويلة نسبيا بحيث أنها تعطيك الأريحية، ولكن هذه الشيء ما يشفع. مهما كان، تظل تجربة سماعات الوايرلس أفضل بالنسبة للراحة التامة. الشركة المصنعة أعطت خيار آخر للي يرتاح بالوايرلس واللي سماعات Astro A50، ولكن جوتها من ناحية مواد التصنيع أقل من Astro A40.

ختاما، سماعة Astro A40 فعلا خيار مناسب جدا اذا كنت تريد تستخدم سماعات إحترافية مريحة في الإستخدام لساعات متواصلة، وتعطيك جودة ووضوح صوت عالية جدا ونقية، طبعا اذا ما كانت عندك مشكلة كونها ليست سماعة وايرلس. سعر السماعة أكثر من 100 ريال عماني، وميزة أنها متوافقة مع جميع الأجهزة بالنسبة لي يحلل قيمتها مع جوتها.

عُماني جيمرز هي العضوية المشتركة لأفراد فريق العمل ويستخدمونها لوضع المقالات والمواضيع التي تخص الموقع أو الفريق بشكل عام وغالبا ما تكون بمجهودات مشتركة، نقدر نقول تقريبا إن "الفرد للكل والكل للفرد".

No Comments Found

Leave a Reply